يا عادل اطلع من الماية .. تعال شوف أخوك عمل فينا إيه !
أنا ماليش حد غيرك يا جوزي .. اظهر عشان تجيب حق عيالك اللي اندفنوا ! 😢
متابعة بقلم ✍️احمد حمدى مستشار علاقات دبلوماسية المجلس العربى الافريقى الدولى ورئيس اللجنة العليا للصحافة والاعلام
- دي كانت صرخة "ست أبوها" أم الأبناء الضـ.ـحايا وزوجة الصياد البسيط في قرية العوامية بسوهاج.
- بدموع نشفت في العيون من كتر البُكاء، وبقلب مكسور، واقفة على شط النيل، مش مصدقة، بتبكي على ولادها الاتنين اللي اندفنوا، وبتنادي على جـ.ثمان زوجها "عادل" اللي لسه الماية مبلعتهوش وماطلعش لحد دلوقتي .
- الحكاية بدأت بخلاف بسيط ملوش أي داعي .. خلاف على "فرع شجرة " بين الأخين .. والشيطان لعب دوره، والغل ملى القلوب.
- الزوج "عادل" كان راجل بحاله، صياد غلبان على باب الله، يومه بـ 50 أو 100 جنيه من صيد السمك، ملوش في المشاكل ولا الخناقات، وعمره ما شال من أخوه. بل بالعكس، كان بيحب ولاد أخوه ويشيل اللقمة من بقه يديهالهم. لكن أخوه "أحمد" رَدّ الإحسان بالدم والغدر!
💔 الزوجة قالت : كنت واقفة فوق النيل وبشوفهم وهم بيموتوا قدام عنيا 😢
- الأم بتحكي : زوجي وأولادي نزلوا المغرب يرموا الشبك عشان أكل عيشهم ، نزل وراهم أخوه باللانش، وابنه (مناع) هو اللي كان سايق .. وقف في اللانش وماسك البندقية، ونازل فيهم ضـ.رب نـ.ار العيال استخبوا وناموا في أرض الفلوكة عشان الرصاص مايجيش فيهم، لكنه قرب منهم وضربهم في مقتل .
- الوجع الأكبر إن واحد من الولاد الضحايا كان بقاله 3 سنين مغترب وشقيان عشان ياكل عيش، لسه نازل إجازة ومكملش يومين .. كأنه نزل عشان يتجمع مع أبوه وأخوه ويموتوا جملة واحدة بغدر عمهم !
المتهم اتقبض عليه، لكن ابنه لسه هربان ..
- الزوجة قالت أنا مش عاوزة غير القصاص العادل، وبطالب المسؤولين ورجال الإنقاذ يطّلعوا لي جثة زوجي من تحت الماية عشان يتدفن جنب ولاده وقلبي يبرد".
اللهم ابدلهم داراً خيراً من دارهم، وأهلاً خيراً من أهلهم، واربط على قلب هذه الأم المكلومة وافرغ عليها صبراً .. إنا لله وإنا إليه راجعون.
تعليقات
إرسال تعليق