قصيدة ( لبس الوشوش)
كلماتى بقلم✍️ احمد حمدى مستشار علاقات دبلوماسية المجلس العربى الافريقى الدولى
ورئيس اللجنة العليا للصحافة والاعلام
القصيدة............ 👇
إللي مش شاطر
في تبديل الوشوش
بقى زي إللي ماشي بلبوص ..
يُعتبر موكوس
لِبس الوشوش
في مختلف الظروف
أصبح مطلوب ومرغوب
على الأقل من باب الذوق
ها تروح تعزّي إزاى ؟
وانت شكلك مبسوط ؟
ولازم تفردي وشك
وانتي بتقابلي الضيوف!
كله على حسب الظروف
بيبدل في الوشوش
عرفت وشوش
ما بيفضحوش
في الحزن دمعة ..
وفي الفرحة بسمة
وأحلى “سِلفي”
و “ري أكشنات” جاهزة ..
على طول .. لكل المناسبة ..
وكل ده .. مغشوش
وفي ناس بتلبس وش النكد
عشان بتخاف من الحسد
وفي وشوش … ما بيتحرّكوش
مهما حصل … ما يبّينوش
نظارة سوده ووش جبس
قال يعني الواد كده إيه ؟ “كول”
وهو من جواه .. مغلول!
وشفت وشوش ..
من النوع البشوش
من الفجر لآخر اليوم
الابتسامة .. ما بتفارقوش
وشفت الوش نفسه ..
في لحظة يقلب غول
على سيرة الفلوس
وعلى سيرة الفلوس
الوشوش بقت تنباع
زي المكياج والرموش
التعديل وجراحة التجميل
ما بقوش .. شيء منبوذ
أصل الوشوش ..
يلزمها اهتمام مخصوص
مش بس عشان هي مكان
لا مؤاخذه ال ..بوس
انما لانها بتلعب دور .. مهول
في تغييب العقول والنفوس
والموكوس .. في تلك الظروف
معروف .. ماعندوش ..
غير عدد محدود
من الوشوش
ماشي مفضوح
إللي في قلبه
في وشه على طول
طب .. هل ده معقول؟
ويرجع يشتكي ويقول
ما بيرقوهوش ..
عشان مديره .. ما بيرتاحلوش
تعليقات
إرسال تعليق